فیصل آباد: پنجاب کے شہر فیصل آباد کے فیکٹری ایریا میں بہادر خاتون نے ڈکیتی کی واردات ناکام بنادی۔
تفصیلات کے مطابق فیصل آبادکے علاقے فیکٹری ایریا میں بہادر خاتون نے ڈکیتی کی واردات ناکام بنادی اور جرأت کا مظاہرہ کرتے ہوئے ایک ڈاکو کو قابو کرلیا۔
نمائندہ اے آر وائی نیوز کے مطابق موٹر سائیکل پر سوار 3 ڈاکو خاتون سے پرس چھین رہے تھے۔
رپورٹ کے مطابق خاتون کی غیرمتوقع مزاحمت پر دو ڈاکوؤں نے بھاگنے میں ہی عافیت جانی۔خاتون نے موٹر سائیکل سوار ڈاکو کو گریبان سے قابو کیا اور زمین پر گرنے کے باوجوداس کو نہیں چھوڑا۔
مزید پڑھیں: فیصل آباد : ڈکیتی کا ڈراپ سین، شوہر نے بیوی اور اس کے دوست کو قتل کر دیا
واضح رہے کہ رواں سال اپریل میں پولیس نے ڈکیتی کی واردات کا اصل معمہ حل کرکے دہرے قتل کے ملزم کو گرفتار کیا تھا، ملزم ذوالفقارنے اپنی بیوی سمیت 2 افراد کو فائرنگ کرکے قتل کیا تھا۔
اٹھائیس سالہ عاصمہ اور اس کے دوست کو خاتون کے شوہر نے قتل کیا اور ڈکیتی کا رنگ دینے کی کوشش کی تھی۔
