دنیا میں کون ایسا شخص ہوگا جو خوشحال زندگی نہ گزارنا چاہتا ہو لیکن جنوبی کوریا کے لوگ بہتر زندگی کےلیے خوشگوار موت کی مشق کررہے ہیں۔
جی ہاں جنوبی کوریا میں لوگ خوش و خرم زندگی گزارنے کےلیے موت کے لمحات کو خوشگوار انداز میں محسوس کرنے کی کوشش کرتے ہیں اور اسے انہوں نے خوشگوار موت کا نام دیا ہے۔
جنوبی کوریا میں موت کی مشق کےلیے سنیہ 2012 سے مختلف مراکز کام کررہے ہیں جہاں ہر سال لاکھوں افراد خوشگوار موت کو گزارنے آتے ہیں۔
غیر ملکی خبر رساں ادارے کی رپورٹ کے مطابق ریہرسل میں شرکت کرنے والے تمام افراد پہلے آخری لمحات کی یادگار تصویر بنواتے ہیں پھر اپنے ہاتھ سے وصیت لکھتے ہیں اور پھر تابوت میں لیٹ کر اپنے موت کو محسوس کرنے کی کوشش کرتے ہیں۔
واضح رہے کہ جنوبی کوریا میں خودکشی کی شرح پوری دنیا میں سب سے زیادہ ہے جہاں ہر سال تقریباً 11 ہزار افراد خودکشی کرتے ہیں جو کل آبادی کا 20.2 فیصد بنتا ہے اس کےلیے مختلف مراکز موت کی ریہرسل کرواتے ہیں تاکہ خودکشی کی شرح کو کم کیا جاسکے۔
یہ مراکز چلانے والے افراد اور نفسیاتی ماہرین کہتے ہیں کہ جب کوئی شخص اپنی زندگی ہی میں موت کے تجربے سے گزرتا ہے تو اسے احساس ہوتا ہے کہ زندگی کتنی قیمتی ہے۔
