کراچی: نامور پاکستانی ماڈل اور اداکارہ نادیہ حسین نے سوشل میڈیا پر تنقید کرنے والے ناقدین کو کرارا جواب دے کر معافی مانگنے پر مجبور کردیا۔
سماجی رابطے کی ویب سائٹ انسٹاگرام پر میک آرٹسٹ، اینکر اور ماڈل نے اپنی پوسٹ پر مداحوں کی جانب سے کیے جانے والے کمنٹس کا اسکرین شارٹ شیئر کی اور انہیں معافی مانگنے پر مجبور کردیا۔
اداکارہ نے ناقدین کو مخاطب کرتے ہوئے لکھا کہ ’لوگ یہ ذہن نشین کر بیٹھے کہ مشہور شخصیات کو آپ کے کمنٹس سے دلچسپی نہیں اور نہ وہ انہیں پڑھتے ہیں جبکہ یہ تاثر بالکل غلط ہے‘۔
نادیہ نے اسکرین شارٹ شیئر کرتے ہوئے لکھا کہ تم لوگ یہ سوچتے ہو کہ ہم کمنٹس نہیں پڑھیں گے تو جو دل میں آئے وہ لکھ دیتے اور پھر معافی مانگتے ہو۔
انہوں نے مداحوں کو مطلع کیا کہ وہ اپنی پوسٹ پر آنے والے تمام کمنٹس پڑھتی ہیں لہذا اگلی بار اس انداز سے کمنٹس نہ کریں۔ اداکارہ نے مداحوں کو تین آپشنز رکھتے ہوئے مشورہ دیا کہ ’خاموش رہو، جب بولو اچھا بولو ورنہ مت بولو، مجھے انفالو کردو‘۔
پاکستانی ماڈل نے مداحوں زندگی گزارنے کا سادہ کلیہ بیان کرتے ہوئے کہا کہ خوش رہو اور دوسروں کو بھی خوش رہنے دو‘۔
