سبزچائے یوں تو ویسے ہی بے پناہ فوائد کی حامل ہے لیکن جدید تحقیق سے اس کے بے تحاشا نقصانات بھی سامنے آئے ہیں جس نے آج تک لوگ واقف ہی نہیں تھے۔
سبز چائے کے فوائد تو بے شمار ہیں لیکن اگر اس کا بے دریغ استعمال کیا جائے تو وہ نقصان دہ بھی ہے۔ ماہرین کا کہنا ہے کہ سبز چائے کے ٹی بیگز کو گیلا کرکے آنکھوں پر رکھا جائے تو آنکھوں کی سوجن میں سکون ملتا ہے لیکن سبز چائے میں بھی عام چائے کی طرح کیفین پایا جاتا ہے اور اگر اس کا استعمال حد سے زیادہ کیا جائے تو انسانی صحت پر خراب اثرات مرتب ہوتے ہیں۔
ماہرین کے مطابق سبز چائے میں ایلومینیم پایا جاتا ہے جو اعصابی بیماریوں کا موجب بنتا ہے جبکہ زیادہ سبز چائے نوش کرنے والوں کی ڈھڑکن قلب اکثر تیز رہتی ہے۔
طبی ماہرین کا کہنا ہے کہ دل کی ڈھڑکن تیز ہونے کے باعث اکثر اوقات بلڈ پریشر میں بھی اضافہ ہوجاتا ہے۔
سبز چائے کا کثرت سے استعمال گھبراہٹ، سستی، کمزوری، سردرد اور بھوک کی کمی کا بھی باعث بنتا ہے جبکہ اس سے معدے میں تیزابیت اور گرمی بڑھ جاتی ہے۔
ماہرین نے سبز چائے کے زیادہ استعمال سے متعلق کہا ہے کہ اس کے بے تحاشا استعمال سے قبض کی شکایت بھی ہوسکتی ہے کیونکہ اس سے رطوبیش خشک ہو جاتی ہیں اور بعض اوقات قے اور متلی بھی ہوتی ہے۔
ماہرین کے مطابق خالی پیٹ سبز چائے پینے سے جگر کی بیماری ہوسکتی ہے۔
