کراچی: محکمہ موسمیات نے کراچی میں سردی کا دورانیہ بڑھنے کی نوید سنا دی۔
تفصیلات کے مطابق محکمہ موسمیات نے کراچی میں سردی بڑھنے کی پیش گوئی کردی، شہر قائد میں اس بار سردی کی لہر آئندہ 20 روز تک جاری رہنے کا امکان ہے۔
محکمہ موسمیات کا کہنا ہے کہ کراچی میں سرد موسم کا دورانیہ فروری کے آخرتک رہنےکا امکان ہے، 24جنوری کو مغربی ہواؤں کا سسٹم شمالی بلوچستان اور کےپی میں داخل ہوگا جس سے 27جنوری کو کراچی میں پھر سردی میں اضافے ہو سکتا ہے۔
موسم کا حال بتانے والوں کا کہنا ہے کہ کراچی میں سردی 15فروری تک برقرار رہے گی۔
محکمہ موسمیات نے سردی کی شدت میں کمی کی پیش گوئی کرتے ہوئے کہا تھا کہ 22 جنوری سے شہر میں یخ بستہ ہواؤیں چلنا کم ہو جائیں گی جس سے سردی کی شدت میں کمی آئے گی۔
کراچی میں گزشتہ دو روز سے دن میں تیز دھوپ کے باعث سردی میں کمی آئی ہے تاہم دن ڈھلتے ہی موسم سرد ہونا شروع ہو جاتا ہے اور رات کے اوقات میں ٹھنڈ بڑھ جاتی ہے۔
