اسلام آباد: وفاقی دارالحکومت میں تھانہ ترنول کی ایک کارروائی میں شہری بڑے فراڈ کا شکار ہونے سے بچ گئے، پولیس نے فراڈ کی کوشش نا کام بنا دی۔
تفصیلات کے مطابق اسلام آباد پولیس نے شہریوں سے کرائے پر نئی گاڑیاں حاصل کر کے انھیں فروخت کرنے کی کوشش نا کام بنا دی، شہری کروڑوں روپے کے فراڈ سے محفوظ رہے۔
پولیس کا کہنا ہے کہ ملزمان سے 2 کروڑوں روپے سے زائد مالیت کی 8 نئی گاڑیاں قبضے میں لے لی گئی ہیں، کراچی کا رہایشی محمد اسلم ساتھیوں کی مدد سے گاڑیاں فراڈ کے لیے کرائے پر لیتا تھا، ملزمان نے جعلی ٹرانسفر لیٹر تیار کر کے گاڑیوں کی فروخت کے لیے اشتہار بھی دیا۔
سادہ لوح پاکستانیوں سے 1 کروڑ 11 لاکھ روپے کا فراڈ کرنے والا غیر ملکی باشندہ گرفتار
پولیس کے مطابق ملزم نے الگ الگ نام سے کمپنیاں بنا کر اشتہار کے ذریعے کرائے پر گاڑیاں لیں، ملزمان کا بہت بڑا نیٹ ورک ہے جو باقاعدہ پلاننگ کے تحت کام کرتے ہیں، ملزمان کے خلاف مقدمہ درج کر کے معاملے کی تفتیش کی جا رہی ہے۔
اے آر وائی نیوز کے مطابق ملزمان کو پولیس نے کرائے پر لی گئی کاریں فروخت کرتے ہوئے پکڑا، جعلی کمپنی نے کرائے پر چلانے کے لیے لوگوں سے گاڑیاں لیں اور فروخت کرنے کی کوشش کرتے ہوئے پکڑے گئے۔
