اسلام آباد : کرونا وائرس کی وبا سے نمٹنے کے لئے انٹرنیشنل ہیلتھ ریگولیشن کمیٹی کا ہنگامی اجلاس آج ہوگا، ڈبلیوایچ او کےڈائریکٹر جنرل کا کہنا ہے کہ وائرس کیسے منتقل ہوا؟ غور کیا جائے گا۔
تفصیلات کے مطابق کرونا وائرس وبا کی طرح پھیلنے لگا، وبا سے نمٹنے کیلئےانٹرنیشنل ہیلتھ ریگولیشن کمیٹی کا ہنگامی اجلاس آج ہوگا۔
ڈبلیوایچ او کےڈائریکٹر جنرل ڈاکٹر تیدروس ایدھانوم نے سماجی رابطے کی ویب سائٹ ٹوئٹر پر اپنے بیان میں کہا وائرس کیسے منتقل ہوا؟ اجلاس میں غورہوگا، کرونا وائرس کے چھ ہزار سے زائد کیسز چین میں رپورٹ ہوئے جبکہ 68کیس دیگر15ملکوں میں رپورٹ ہوئے۔
.@WHO is monitoring the new #coronavirus outbreak every moment of every day. My respect and appreciation to my colleagues @WHO who are showing great commitment. We will have more news following tomorrow’s Emergency Committee meeting.
— Tedros Adhanom Ghebreyesus (@DrTedros) January 29, 2020
ڈاکٹر تیدروس ایدھانوم کا کہنا تھاکہ چین سےباہررپورٹ بیشترکیسزان کی تھی جن کاچین سےتعلق رہا ، چین سے باہر بھی تین ملکوں میں انسان کے ذریعے وائرس منتقل ہوا۔
خیال رہے چین کے صوبے ہوبئے میں کرونا وائرس سےمزید38 افرادہلاک ہوگئے، جس کےبعد مرنیوا لوں کی تعداد 170 ہوگئی ہے ، سب سےزیادہ ہلاکتیں ووہان میں ہوئیں۔
مزید پڑھیں : چین میں کرونا وائرس سے مزید ہلاکتیں، تعداد 170 ہو گئی
ساڑھے سات ہزار سےزائد افراد میں وائرس کی تصدیق ہو چکی ہے جبکہ دیگرپندرہ ملکوں میں کرونا وائر س کےاڑسٹھ مریضو ں کاانکشاف ہواہے۔
جاپان، فرانس، اردن اور بھارت کے شہریوں کی چین سےواپسی شروع ہوگئی جبکہ چینی حکام نے سفری پابندیاں مزید سخت کردیں۔
