جنیوا: عالمی ادارہ صحت (ڈبلیو ایچ او) نے 2017 میں خبردار کیا تھا کہ عنقریب کوئی نیا مہلک وائرس وبا کی صورت اختیار کرکے لاکھوں جانیں نگل سکتا ہے۔
غیرملکی خبررساں ادارے کی رپورٹ کے مطابق عالمی ادارہ صحت نے 2017 میں متنبہ کیا کہ تھا کوئی نیا پراسرار مرض پوری دنیا میں پھیل کر لاکھوں افراد کو لقمہ اجل بنائے گا۔
تاہم اب یہ خیال کیا جارہا ہے کہ ڈبلیو ایچ او نے جس مرض کی بات کی تھی وہ کروناوائرس ہی ہے۔
خیال رہے کہ مائیکروسافٹ کے بانی بل گیٹس نے دو سال قبل مہلک کرونا وائرس پھیلنے کی پیشگوئی کی تھی، انہوں نے خبردار کیا تھا کہ خطرناک مرض 6 ماہ میں 3 کروڑ افراد کو موت کی نیند سلا دے گا۔
اپریل 2018 کو لندن کی میساچوسٹس سوسائٹی اور نیو انگلینڈ جرنل آف میڈیکل سوسائٹی کے زیر اہتمام ملیریا کے حوالے سے ہونے والے ایک سربراہی اجلاس میں بل گیٹس نے خصوصی شرکت کی تھی۔
’’مہلک وائرس 6 ماہ میں 3 کروڑ زندگیاں نگل جائے گا‘‘
اس موقع پر ان کا کہنا تھا کہ دنیا کو وبائی امراض سے نمٹنے کے لیے سنجیدگی سے تیاری کرنے کی ضرورت ہے جیسے وہ جنگ کے لیے کرتے ہیں، دنیا کو وبائی امراض سے متعلق سنجیدگی سے سوچنا شروع کردینا چاہیے، خطرناک مرض 6 ماہ میں 3 کروڑ افراد کو موت کے نیند سلا دے گا۔
