مسقط: عمان میں رمضان المبارک 1441 ہجری کا چاند نظر نہیں آیا، اب وہاں پہلا روزہ 25 اپریل کو ہوگا۔
عمان کی سرکاری نیوز ایجنسی کی جانب سے جمعرات کی روز جاری بیان میں کہا گیا ہے کہ رویت ہلال کمیٹی نے اعلان کیا کہ جمعہ شعبان کا آخری دن ہوگا اور مغرب کے بعد سے رمضان المبارک کا آغاز ہوجائے گا۔
سلطنت عمان نے رویت ہلال کمیٹی کی جانب سے موصول ہونے والی رپورٹ کے مطابق اعلان کیا کہ ملک بھر میں رمضان المبارک کا آغاز 25 اپریل بروز ہفتے سے ہوگا۔
غدا الجمعة المكمل لشهر شعبان والسبت أول أيام شهر #رمضان المبارك pic.twitter.com/oHtLY8yEUc
— وكالة الأنباء العمانية (@OmanNewsAgency) April 23, 2020
سعودی عرب اور متحدہ عرب امارات میں رمضان المبارک کا چاندنظر آگیا، پہلا روزہ کل بروز جمعہ ہوگا۔ سعودی سپریم کورٹ نے مملکت بھر سے شہادتیں موصول ہونے کے بعد رمضان المبارک کا چاند نظر آنے کا اعلان کیا۔ دوسری جانب متحدہ عرب امارات نے بھی رمضان المبارک کا چاند نظر آنے کا اعلان کرتے ہوئے کہا کہ امارات میں پہلا روزہ کل بروز جمعہ کو ہوگا۔
مزید پڑھیں: سعودی عرب اور یو اے ای میں رمضان المبارک کا چاندنظر آگیا
جن ممالک میں رمضان المبارک کا چاند نظر آگیا وہاں شرعی احکامات کے مطابق تراویح کی نماز ادا کی جائے گی۔ کرونا وائرس کا پھیلاؤ روکنے کے لیے اجتماعات کو مختصر رکھا جارہا ہے۔
Beautiful Scenes Of The Congregation In The Mataaf During 1st Ramadan 1441 ‘Isha Salaah | Masjid Al Haram pic.twitter.com/w66tWtUwxG
— (@HaramainInfo) April 23, 2020
خادم الحرمین شریفین نے رمضان المبارک کا چاند نظر آنے کے بعد مطاف میں طواف کی اجازت دے دی البتہ ابھی عام شہریوں کو داخلے کی اجازت نہیں دی گئی اسی طرح مسجد الحرام اور مسجد نبوی میں نمازِ تراویح ادا کی جارہی ہے مگر ماضی کے مقابلے میں اجتماعات کو مختصر رکھا گیا ہے۔
Beautiful Scene During Live Broadcast! Tawaaf After Maghrib Salaah. 1st Ramadan 1441 / 2020 pic.twitter.com/eLLVJspIuu
— (@HaramainInfo) April 23, 2020
