دبئی: متحدہ عرب امارات نے مسافروں کی پریشانی دور کرتے ہوئے وزٹ ویزا کی میعاد میں ایک ماہ کی توسیع کردی۔
اماراتی میڈیا کے مطابق یہ اعلان وفاقی اتھارٹی برائے شناخت و شہریت کی جانب سے کیا گیا ہے جس کا نفاذ 11 اگست سے شروع ہوگا۔
اتھارٹی نے اپنے آفیشل ٹوئٹر اکاؤنٹ پر جاری پیغام میں لکھا کہ یو اے ای میں داخلے کے اجازت نامے کی مدت میعاد بڑھا دی گئی ہے۔
"الهيئة الاتحادية للهوية والجنسية" تمدد مهلة حاملي أذونات الدخول للدولة المنتهية اعتباراً من 11 / 8 / 2020 ولمدة شهر، بهدف تمكينهم من المغادرة مع الإعفاء من كافة الغرامات المترتبة خلال هذه الفترة. #وام pic.twitter.com/RHPvpiFarm
— وكالة أنباء الإمارات (@wamnews) August 10, 2020
ٹوئٹ کے مطابق وزٹ ویزا کے حامل افراد ایک ماہ تک بغیر جرمانے کے یو اے ای سے واپس جا سکتے ہیں۔
اس اعلان کے بعد سے وہ افراد جن کے وزٹ ویزے کی میعاد ختم ہوگئی تھی وہ اب ایک ماہ کے اندر بغیر کسی جرمانے کے امارات سے جا سکتے ہیں۔
واضح رہے کی وزٹ ویزہ کی مدت پوری ہونے پر یو اے ای میں رہنے والے شخص پر پہلے روز 200 درہم اور ہر اگلے روز 100 درہم جرمانہ عائد ہوتا ہے۔
