نئی دہلی : بھارتی اداکار اکشت اتکرش کی گھر سے مشکوک حالت میں لاش برآمد ہوگئی، اہل خانہ کی جانب سے اداکار کی موت پر قتل کا شبہ ظاہر کیا جارہا ہے۔
تفصیلات کے مطابق بھارتی فلم انڈسٹری میں خود کشی کا رحجان بڑھنے لگا، مظفرپور سے تعلق رکھنے والے ایک اور فلم دلکش نظر اداکار نے ممبئی میں خودکشی کے ذریعے اپنی زندگی کا خاتمہ کرلیا۔
میڈیا رپورٹس میں بتایا گیا ہے کہ اکشت اتکرش کے اہل خانہ کی جانب سے اداکار کو موت پر قتل کا شبہ ظاہر کیا ہے۔
بھارتی میڈیا کے مطابق متوفی کے ماموں رنجیت سنگھ نے کہا کہ رات نو بجے اکشت کی والد سے بات چیت ہوئی تھی لیکن اس کے بعد دیر رات اس کی موت کی خبر ملی۔
اکشت کے ماموں نے ممبئی پولیس پر بھی تعاون نہ کرنے کا الزام لگاتے ہوئے کہا ہے کہ ممبئی پولیس کی جانب سے معاملے پر ایف آئی آر کاٹنے سے بھی افی الحال انکار کیا گیا ہے۔
یہ بھی پڑھیں: بھارتی شوبز انڈسٹری میں خودکشی کا بڑھتا رجحان، ایک اور اداکار پھندے پر جھول گیا
یاد رہے کہ گزشتہ ماہ بھارتی ڈراموں میں اداکاری کرنے والے چوالیس سالہ سمیر شرما نے اپنی رہائش گاہ پر خودکشی کی تھی، پولیس نے اُن کی پنکھے سے لٹکی لاش برآمد کی تھی۔
اُس سے قبل مراٹھی فلموں میں کام کرنے والے اداکار بھاکرے، بعد ازاں تامل اداکارہ وجیالکشمی نے اہم سیاسی شخصیات کی جانب سے ہراساں کیا جانے پر خودکشی کی کوشش کی مگر بروقت طبی امداد ملنے پر خوش قسمتی سے اُن کی جان بچ گئی تھی۔
اس سے قبل چودہ جون کو بالی ووڈ انڈسٹری کے ابھرتے ہوئے باصلاحیت نوجوان اداکار سناشت سنگھ نے خودکشی کی۔ اداکار کی خودکشی کے حوالے سے تحقیقات جاری ہیں۔
