ڈولفن کی کمسن بچے کے ساتھ فٹبال کھیلنے کی ویڈیو انٹرنیٹ پر وائرل ہوگئی۔
عام طور پر بچوں کو آپس میں یا پالتو جانوروں کے ساتھ کھیلتے ہوئے دیکھا جاتا ہے لیکن سوشل میڈیا پر ایک ایسی ویڈیو وائرل ہورہی ہے جس میں ڈولفن کو بچے کے ساتھ کھیلتے دیکھا جاسکتا ہے۔
مائیکل اینڈریس نامی سوشل میڈیا صارفین کی وال سے یہ منفرد ویڈیو شیئر ہوئی، جس میں متعدد ڈولفن مچھلیوں کو سوئمنگ پول میں انسانوں کے ساتھ کھیلتے دیکھا جاسکتا ہے لیکن انہیں میں ایک ڈولفن ایسی بھی ہے جو پول سے باہر کھڑے بچے کے ساتھ بال کھیل رہی ہے۔
بچہ ڈولفن کی جانب بال پھینکتا ہے جسے وہ اپنے منہ پکڑ کر واپس بچے کی جانب پھینکتی ہے،بچے کے ساتھ کھیلتے ہوئے ڈولفن بھی کافی خوش نظر آرہی ہے۔
ویڈیو فیس بک پر شیئر ہوتے ہی تیزی سے وائرل ہوگئی، جسے اب تک لاکھوں دیکھ چکے ہیں، 71 ہزار صارفین نے ویڈیو پر پسندیدگی کا اظہار کیا ہے جبکہ 1500 افراد نے دلچسپ تبصرے کیے ہیں۔
