کراچی : خاتون ایس ایچ او نے موبائل پر دوستی کے بہانے ڈکیتی میں ملوث مطلوب ملزم گرفتار کرلیا۔
تفصیلات کے مطابق کراچی کے تھانہ ٹیپو سلطان میں تعینات خاتون ایس ایچ او نے اپنی حاضر دماغی سے ڈکیٹ کو دوستی کا بہانے بلاکر گرفتار کرلیا۔
خاتون ایس ایچ او کو ملزم کا نمبر ملا تو اس سے فون پر بات چیت کرکے ملاقات کےلیے جگہ کا تعین کیا گیا اور جب ملزم ملنے آیا تو خاتون ایس ایچ او نے سادہ لباس میں موجود اہلکاروں کی ہمراہ اسے دھر لیا۔
- Advertisement -
پولیس کا کہنا ہے کہ خاتون ایس ایچ او نے گرفتار ملزم کے قبضے سے لوٹے گئے زیورات، نقدی، موبائل فون برآمد ہوئے ہیں جبکہ گرفتار ملزم کی نشاندہی پر پولیس نے ساتھی کو بھی گرفتار کرلیا ہے۔
پولیس کا کہنا ہے کہ گرفتار ملزم نے پندرہ روز قبل شہری کے گھر چوری کرکے لاکھوں مالیت کا سامان لوٹا تھا۔
