ریاض: سعودی ولی عہد اور وزیردفاع شہزادہ محمد بن سلمان کی سربراہی میں العلا کانفرنس کا آغاز ہوگیا، افتتاحی سیشن میں امیر کویت نے خلیجی بحران کے خاتمے کو خوش آئند قرار دیا۔
عرب میڈیا رپورٹ کے مطابق سعودی ولی عہد اور وزیردفاع کی سربراہی میں خلیج تعاون کونسل (جی سی سی) کے سربراہی اجلاس کا آغاز ہوگیا۔
محمد بن سلمان نے افتتاحی تقریب سے خطاب کرتے ہوئے خلیجی ممالک کے سربراہان کو کانفرنس میں شرکت پر خوش آمدید کہا اور اُن کا شکریہ بھی ادا کیا۔
سعودی وزیردفاع نے اس کانفرنس کو عمان کے امیر سلطان قابوس اور کویت کے امیر شیخ صباح الصباح کے نام سے منسوب کرنے کا اعلان بھی کیا۔
#VIDEO: The #GCC Leaders led by #SaudiArabia’s Crown Prince Muhammad Bin Salman pose for a family photo ahead of the #GCCSummit41 held in #AlUla pic.twitter.com/6eLfnzazCh
— Saudi Gazette (@Saudi_Gazette) January 5, 2021
افتتاحی سیشن میں امیر کویت شیخ نواف نے بھی خطاب کیا جس کے دوران انہوں نے خلیجی ممالک کے درمیان کشیدگی ختم ہونے اور بحران کے خاتمے کو خوش آئند قرار دیا۔
مزید پڑھیں:سعودی عرب کے تاریخی شہر العلاء کے خوبصورت مناظر
قبل ازیں سعودی ولی عہد نے کانفرنس میں شرکت کے لیے پہنچنے والے وفود کا ایئرپورٹ پر استقبال کیا، جس کے بعد خلیجی ممالک بشمول قطر کے سربراہان اپنے وفود کے ہمراہ العلا کے مرایا ہال پہنچے۔
#PICTURES: #GCC leaders sign #AlUla declaration.#GulfSummitInAlUla pic.twitter.com/Yu20zQbOlC
— Saudi Gazette (@Saudi_Gazette) January 5, 2021
اجلاس سے قبل گفتگو کرتے ہوئے محمد بن سلمان کا کہنا تھا کہ خادم الحرمین شریفین شاہ سلمان بند عبد العزیز کی زیر قیادت سعودی عرب خلیج تعاون کونسل اور عرب ممالک کے اعلیٰ مفادات کی پالیسی پر کاربند ہے۔
یہ بھی پڑھیں: سعودی ولی عہد اور امیرقطر کا بڑا فیصلہ
اُن کا کہنا تھا کہ ’سعودی عرب خلیجی اور عرب عوام کی فلاح و بہبود اور امن و استحکام کے لیے اپنی جملہ توانائیاں وقف کیے ہوئے ہیں، ہم اس سلسلے کو عوام کے لیے جاری رکھیں گے‘۔
#PICTURES: #SaudiArabia’s Crown Prince Muhammad bin Salman heads the #GCCsummit41 in #AlUla. #GulfSummitInAlUla pic.twitter.com/kPDIoRFQLH
— Saudi Gazette (@Saudi_Gazette) January 5, 2021
افتتاحی سیشن کے بعد تمام ممالک کے سربراہان اور وفود نے العلا کانفرنس کے اعلامیے سے متفق ہوکر اس پر دستخط بھی کیے۔
