امریکا میں ایک روز قبل ایسا ہولناک اور خوں ریز واقعہ دیکھنے میں آیا جسے دیکھ کر دنیا حیران رہ گئی کیونکہ اس طرح کی حرکت تاریخ میں کبھی نہیں ہوئی تھی۔
واضح رہے کہ صدر ڈونلڈ ٹرمپ کے حامی کیپیٹل ہل ( کانگریس پارلیمنٹ بلڈنگ) کی عمارت میں داخل ہو گئے تھے جس کے بعد ٹرمپ کے حامیوں اور پولیس کے مابین جھڑپیں بھی ہوئیں، جھڑپوں کے بعد کیپیٹل بلڈنگ کو لاک ڈاؤن کر دیا گیا جبکہ واشنگٹن ڈی سی میں کرفیو کے نفاذ کا اعلان کردیا گیا۔
امریکی میڈیا رپورٹ کے مطابق پولیس کی مظاہرین سے پرتشدد جھڑپیں بھی ہوئیں جس کے نتیجے میں چار افراد ہلاک ہوئے۔
اب تک دنیا میں پیش آنے والے واقعات کی 27 برس قبل پیش گوئی کرنے والی مشہور کارٹون سیریز ’سمپینز‘ کی ایک قسط میں کچھ اسی طرح کا منظر دکھایا گیا ہے۔
Los Simpson lo volvieron hacer. Trump, Golpe de estado, Capitolio, EEUU. #Trump #Capitol #CapitolAttack #WashingtonDC #EEUU #Biden #USA pic.twitter.com/9EtzObsMpl
— Hector (@HJMO1987) January 7, 2021
سماجی رابطے کی ویب سائٹ پر صارفین کارٹون سیریز کی ویڈیوز شیئر کررہے ہیں جس میں کرداروں کو کیپٹل ہل عمارت میں داخل ہوتے اور ہنگامہ آرائی سے مماثلث رکھتے منظر کو دکھایا گیا ہے۔
مزید پڑھیں: بیروت دھماکے کی 27 سال قبل کارٹون سیریز میں پیش گوئی؟
واضح رہے کہ 27 برس قبل مستقبل کے واقعات و حالات دکھانے کے حوالے سے مشہور کارٹون سیریز ’سمپسنز‘ میں سانحہ نائن الیون (ورلڈ ٹریڈ سینٹر)، ٹرمپ کی بطور صدر کامیابی، کرونا وبا، بیروت دھماکوں اور امریکی سیاہ فام شہری جارج فلائیڈ کی ہلاکت سے مماثل مناظر دکھائے گئے ہیں۔
Simpsons predicted it many years ago #CapitolHill #WashingtonDC pic.twitter.com/CDFTq2kYb1
— Frɑncis Creɑven (@FCr_91) January 6, 2021
انٹرنیٹ صارفین نے سوشل میڈیا پر ویڈیوز اور تصاویر شیئر کرتے ہوئے بتایا کہ آپ سمپینز کے 7ویں سیزن کی اٹھاریوں قسط میں وہ مناظر دیکھ سکتے ہیں جو کل کیپٹل ہل میں دیکھنے کو ملے۔
