سری نگر: مقبوضہ کشمیر کے ثابت قدم کشمیریوں نے بھارت کے خلاف احتجاج کرتے ہوئے ایک بار پھر آزادی اور پاکستان زندہ باد کے نعرے بلند کردیے۔
اے آر وائی نیوز کی رپورٹ کے مطابق سری نگر میں حریت رہنما میرواعظ عمر فاروق کی رہائی اور جامع مسجد میں جمعہ پڑھانے کی اجازت ملنے کے بعد نوجوانوں اور نمازیوں کی بڑی تعداد جامع مسجد میں جمع ہوئی۔
اپنے محبوب لیڈر کے استقبال کے منتظر کشمیری نوجوانوں نے ’جیوے جیوے پاکستان‘ اور ’پاکستان زندہ باد‘ کے نعرے لگائے۔
سرینگر :میر واعظ عمر فاروق کو جمعہ کی اجازت اور متوقع آمد پر جامع مسجد سرینگر میں مقامی کشمیری ان کی رہائی اور آزادی کے نعرے بلند کر رہے ہیں pic.twitter.com/m2d1jg2i3S
— کشمیر اردو (@KashmirUrdu) March 5, 2021
کٹھ پتلی انتظامیہ نے نوجوانوں کے جذبے کو دیکھتے ہوئے میر واعظ عمر فاروق کی رہائی کا فیصلہ ملتوی کیا اور انہیں ایک بار پھر نظر بند کردیا۔
حریت رہنما کی نظر بندی کے بعد نوجوانوں نے بھارت کے خلاف شدید احتجاج کیا اور پاکستان کے حق میں نعرے لگائے۔
سرینگر کی جامع مسجد میں آج پھر جیوے جیوے پاکستان کے نعرے pic.twitter.com/zduefSsYpF
— کشمیر اردو (@KashmirUrdu) March 5, 2021
حریت رہنما اعجاز رحمانی کا کہنا ہے کہ ’ جامع مسجد سری نگر میں عوام نے دوبارہ نظر بندی کے بھرپور احتجاج کیا اور پاکستان زندہ باد سمیت آزادی کے حق میں نعرے لگائے‘۔
سرینگر کی جامع مسجد میں آزادی کے حق میں اور جیوے جیوے پاکستان کے نعروں کے بعد حریت لیڈر میر واعظ عمرفاروق کی رہائی کا فیصلہ واپس لے لیا گیا۔ نظربندی کا سلسلہ جاری رہے گا pic.twitter.com/ZF29XZJXxs
— کشمیر اردو (@KashmirUrdu) March 5, 2021
انہوں نے بتایا کہ ’کٹھ پتلی انتظامیہ نے میر واعظ عمر فاروق کی رہائی کا فیصلہ واپس لے کر انہیں نظر بند کردیا اور گھر کے باہر فورسز کی بھاری نفری تعینات کردی‘۔