ریاض: سعودی عرب کے ماہر فلکیات نے آج عرب ممالک میں رمضان المبارک 1442 ہجری کا چاند نظر نہ آنے کی امید ظاہر کردی۔
عرب میڈیا رپورٹ کے مطابق جامعۃ المجمعہ کی فلکیاتی رصد گاہ کے ڈائریکٹر عبداللہ الخضیری کا کہنا تھا کہ ’آج اتوار کے روز سعودی عرب سمیت دیگر عرب ممالک میں رمضان المبارک کے چاند کی رویت مشکل ہے‘۔
اُن کا کہنا تھا کہ آج فلک پر چاند موجود نہیں ہوگا کیونکہ یہ غروبِ آفتاب سے تقریبا آدھا گھنٹہ پہلے ہی غروب ہوچکا ہوگا۔
انہوں نے کہا کہ ’پیر کو غروبِ آفتاب کے بعد چاند آسمان پر واضح طور پر دیکھا جاسکے گا، پیر کے رو چاند نظر نہیں بھی آیاتو شعبان کے تیس دن پورے ہوجائیں گے، اس طرح پیر کی شب پہلی تراویح ادا کی جائے گی۔
مزید پڑھیں: سعودی عرب: مساجد میں سحر و افطار اور اعتکاف سے متعلق اہم اعلان
فلکیاتی رصد گاہ کی جانب سے جاری بیان میں کہا گیا ہے کہ سائنسی حساب سے 12 اپریل 2021ء بروز پیر مکہ مکرمہ میں غروب آفتاب مقامی وقت کے مطابق شام 6:38 پر ہو گا اور غروبِ ہلال 7:01 منٹ پر ہو گا۔
قبل ازیں سعودی سپریم کورٹ نے رمضان المبارک کا چاند دیکھنے کے لیے اجلاس طلب کیا اور شہریوں سے بھی چاند دیکھنے کی اپیل کی۔
The Supreme Court issued a ruling to search for the Crescent of #Ramadan on Sunday 29 Shaban according to the Umm Al Qura
As the Umm Al Qura Calender is one day ahead of the Hijri Calendar a second search will be conducted tomorrow on 30 Shaban if no sighting is confirmed today
— Haramain Sharifain (@hsharifain) April 11, 2021
سعودی سپریم کورٹ نے شہریوں سے کہا کہ اگر وہ چاند دیکھیں تو اس کی شہادت جمع کرائیں۔ اس حوالے سے عرب میڈیا کا کہنا ہے کہ سعودی عرب میں آج چاند نظر آنے کا امکان ہے۔
