اشتہار

شوگراسیکنڈل کیس: ایک اور لیگی رہنما نیب کے ریڈار پر

اشتہار

حیرت انگیز

راولپنڈی: شوگراسیکنڈل کیس میں ایک اور بڑی طلبی ہونے جارہی ہے، نیب راولپنڈی نے مسلم لیگ (ن) کے رہنما پرویز ملک کو طلب کر لیا ہے۔

نیب ذرائع کے مطابق پرویز ملک کو کل نیب کی تفتیشی ٹیم کے سامنے پیش ہونے کی ہدایت کی گئی ہے پرویز ملک سے بطور سابق وزیر تجارت تمام ریکارڈ بھی طلب کرلیا گیا ہے۔

ذرائع کا کہنا ہے کہ لیگی رہنما پرویز ملک سے ای سی سی اجلاسوں اور انٹرنیشنل سطح پر چینی کی قیمتوں کےتعین کی تفصیلات طلب کی گئیں ہیں۔

- Advertisement -

واضح رہے کہ نیب راولپنڈی نے شوگر اسیکنڈل میں صوبائی وزیرپنجاب محسن لغاری کوطلب کررکھا ہے محسن لغاری کو بھی 4مئی کو نیب راولپنڈی کے آفس میں طلبی کو نوٹس ارسال کردیا گیا ہے۔

صوبائی وزیر کی پیشی کے موقع پر نیب کی کمبائنڈ انویسٹی گیشن ٹیم محسن لغاری سے تفتیش کرے گی، محسن لغاری کو2018تا 2019میں شوگرپر دی گئی سبسڈی کا ریکارڈ بھی لانے کی ہدایت کی گئی ہے جبکہ ایکسپورٹ کا اجازت نامہ دینے کاریکارڈ بھی طلب کیا گیا ہے۔

یہ بھی پڑھیں: شوگر اسیکنڈل : ایک اور حکومتی شخصیت کی نیب میں طلبی

اس کے علاوہ چینی اسکینڈل میں نیب راولپنڈی نے پاکستان تحریک انصاف سے تعلق رکھنے والے صوبائی وزیرپنجاب میاں اسلم اور سابق صوبائی وزیرخوراک سمیع اللہ کو طلب کر رکھا ہے، نیب نے میاں اسلم کو 2018تا 2019میں شوگر سبسڈی کاریکارڈ بھی لانےکی ہدایت کی گئی ہے، اس کے علاوہ ایکسپورٹ اجازت نامہ دینے کا ریکارڈ بھی طلب کیا گیا ہے۔

خیال رہے نیب شوگراسیکنڈل کی تحقیقات منی لانڈرنگ ایکٹ 2010کے تحت کر رہا ہے۔

Comments

اہم ترین

مزید خبریں