لاہور: پاکستانی شوبز انڈسٹری کی معروف اداکارہ سنبل شاہد کوروناوائرس کے باعث دار فانی سے کوچ کرگئیں۔
تفصیلات کے مطابق سنبل شاہد کورونا وبا کا شکار تھیں اور ان کا علاج لاہور کے سی ايم ايچ ميں ہورہا تھا لیکن بدقسمتی سے وہ صحت یاب نہ ہوسکیں اور انتقال کرگئیں۔
اداکارہ کو 22 اپريل کو وينٹ ليٹر پر منتقل کیا گيا تھا۔ سنبل شاہد اداکارہ بشریٰ انصاری اور اسما عباس کی بہن تھیں۔
- Advertisement -
خیال رہے کہ گزشتہ ہفتے بشریٰ انصاری کی جانب سے ایک سوشل میڈیا پوسٹ میں مداحوں کو اطلاع دی گئی تھی کہ ان کی بہن سنبل شاہد کورونا میں مبتلا ہیں۔
سنبل شاہد کو بگڑتی صحت کے باعث وینٹی لیٹر پر منتقل کردیا گیا تھا جس کے بعد اداکارہ اسما عباس نے بھی مداحوں سے اپیل کی تھی کہ وہ ان کی بہن سنبل شاہد کی صحت کے لیے دعا کریں کیونکہ ان کی حالت تشویش ناک ہے۔
