کراچی: کوہ پیما علی سدپارہ کو خراج عقیدت پیش کرنے کے لیے قومی ایئرلائن پی آئی اے نے اہم قدم اٹھالیا۔
اے آر وائی نیوز کے مطابق پی آئی اے نے کراچی سے بھی ایئرسفاری چلانے کی منصوبہ بندی کرلی، رواں ماہ کے آخری ہفتے سے کراچی سے اسکردو کے لیے ایئرسفاری آپریٹ ہوگی۔
ترجمان پی آئی اے کا کہنا ہے کہ سیاحت کے شوقین افراد کو گلگت بلتستان میں بلند ترین چوٹیاں دیکھنے کا موقع ملے گا۔
پہلے مرحلے میں پی آئی اے کی جانب سے 12 جون سے اسلام آباد سے ایئرسفاری کا اعلان کیا گیا ہے جبکہ پی آئی اے کراچی سے بھی ایئرسفاری کی پرواز ہفتے میں دو دن آپریٹ ہوں گی۔
ترجمان پی آئی اے کا کہنا ہے کہ ایئرسفاری کالام، جھیل سیف الملوک، نانگا پربت، کے ٹو سے گزر کر اسکردو میں لینڈ کرے گی۔
پی آئی اے حکام کا کہنا ہے کہ ایئرسفاری سے ملک میں سیاحت کو بھی فروغ حاصل ہوگا۔
واضح رہے کہ قومی ایئرلائن پی آئی اے نے کراچی سے اسکردو کیلئے براہ راست پروازیں شروع کر رکھی ہیں۔ پہلی پرواز 16مئی کوکراچی سےاسکردوکیلئےپی کے455 روانہ ہوئی تھی۔
انتظامیہ کا کہنا تھا کہ پی آئی اے کراچی سے اسکردو کے لیے ہفتہ وار 2 پروازیں آپریٹ کرے گی۔
