ڈھاکا: بنگلہ دیش کرکٹ ٹیم کے آل راؤنڈر شکیب الحسن دوران میچ آپے سے باہر ہوگئے جس کی ویڈیو سوشل میڈیا پر وائرل ہوگئی۔
تفصیلات کے مطابق بنگلہ دیش کرکٹ ٹیم کے آل راؤنڈر شکیب الحسن نے ڈھاکا پریمیئر لیگ ڈویژن ٹی 20 لیگ میں امپائر کی جانب سے ایل بی ڈبلیو کی اپیل رد ہونے پر وکٹیں اٹھا کر پھینک دیں۔
مذکورہ واقعہ محمدڈان اسپورٹنگ کلب اور اباہانی لمیٹڈ کے درمیان کھیلے جانے والے میچ کے دوران پیش آیا۔
ویڈیو میں دیکھا جاسکتا ہے کہ شکیب الحسن نے ایل بی ڈبلیو کی اپیل کی امپائر کی جانب سے ناٹ آؤٹ قرار دیے جانے پر انہوں نے اسٹمپس پر کک ماری۔
Shit Shakib..! You cannot do this. YOU CANNOT DO THIS. #DhakaLeague It’s a shame. pic.twitter.com/WPlO1cByZZ
— Saif Hasnat (@saifhasnat) June 11, 2021
ایک اور ویڈیو میں دیکھا جاسکتا ہے کہ شکیب الحسن فیلڈنگ کررہے ہیں لیکن اچانک ہی وہ امپائر کے قریب آتے ہیں اور وکٹیں اٹھا کر پھینک دیتے ہیں۔
One more… Shakib completely lost his cool. Twice in a single game. #DhakaLeague Such a shame! Words fell short to describe these… Chih… pic.twitter.com/iUDxbDHcXZ
— Saif Hasnat (@saifhasnat) June 11, 2021
شکیب الحسن کی ویڈیو وائرل ہونے کے بعد شائقین کرکٹ نے انہیں شدید تنقید کا نشانہ بنایا جس کے بعد انہوں نے اپنی حرکت پر معافی مانگ لی۔
بنگلہ دیشی آل راؤنڈر کا کہنا تھا کہ میرے رویے کی وجہ سے میچ خراب ہوا جس پر معذرت خواہ ہوں تاہم شکیب کو اس رویے کی وجہ سے معطلی کا سامنا کرنا پڑسکتا ہے۔
واضح رہے شکیب کو پاکستان سپر لیگ سیزن 6 کے بقیہ میچز میں حصہ لینا تھا لیکن انہوں نے اس ٹورنامنٹ میں حصہ لینا کا فیصلہ کیا تھا۔
