اسلام آباد: ملک کے اہم انفرااسٹرکچر منصوبوں کی سرمایہ کاری کیلئے حکومت نےپاکستان ڈیولپمنٹ فنڈ نامی کمپنی بنانے کا فیصلہ کیا ہے، ذرائع کے مطابق وفاقی حکومت نے ملک میں اہم انفرااسٹرکچر سے متعلق ترقیاتی منصوبوں کے لیے پاکستان ڈولپمنٹ فنڈ لمیٹڈ کے ذریعے فنانسنگ فراہم کرنے کا فیصلہ کیا ہے۔
پاکستان ڈولپمنٹ فنڈ لمیٹڈ کے پاس ایک سو ستاون ارب روپے کے وسائل کا انتظام بھی کیا جاچکا ہے۔دستاویز میں بتایا گیا کہ اس کمپنی کے ذریعے ملک میں پبلک پرائیویٹ پارٹنرشپ کے تحت شروع ہونے والے منصوبوں اور اہم انفرااسٹرکچر ڈولپمنٹ پراجیکٹ کی فنانسنگ کی جائے گی اور پبلک پرائیویٹ پارٹنرشپ کو فروغ دیا جائے گا۔
ملک میں اسلامک بینکنگ و اسلامک فنانسنگ کے شعبے میں مزید ریسرچ کے لیے اسلامک اکنامک میں خصوصی سینٹر آف ایکسیلنس بھی قائم کیا جائے گا۔
