کراچی: قومی کرکٹ ٹیم کے سابق کپتان وسیم اکرم نے چیئرمین پی سی بی کے عہدے سے متعلق جھوٹی خبر شائع کرنے پر بھارتی اخبار کی سرزنش کردی۔
تفصیلات کے مطابق سابق کپتان وسیم اکرم نے سماجی رابطے کی ویب سائٹ ٹویٹر پر لکھا کہ ’ٹائمز آف انڈیا بھارت کا معتبر اخبار ہے اور اس طرح کی بے بنیاد خبروں سے ان کی ساکھ کو نقصان ہوگا۔
وسیم اکرم نے لکھا کہ ’چیئرمین پی سی بی ایک خاص عہدہ ہے اور اس میں کبھی میری دلچسپی نہیں رہی۔‘
سابق کپتان نے رمیز راجہ کو نامزدگی پر مبارک باد بھی دیتے ہوئے کہا کہ ’مجھے یقین ہے کہ رمیز اپنے ویژن اور تجربے سے پاکستان کرکٹ میں مثبت تبدیلی لائیں گے۔‘
Please stop spreading such fake news. Get your sources right.TOI is one of India’s top and credible newspapers and such baseless news can only hurt that image.PCB chairman’s post is a specialised job and I was never interested in it. Thank God, I am content where I am in my life https://t.co/tI9S508nDw
— Wasim Akram (@wasimakramlive) August 31, 2021
وسیم اکرم نے سوشل میڈیا پر اس خبر کا حوالہ دیتے ہوئے بھارتی میڈیا کو جواب دیا کہ برائے مہربانی اس طرح کی جھوٹی خبروں کو پھیلانا بند کر دیں اور اپنے ذرائع ٹھیک کر لیں۔
واضح رہے کہ بھارت کے ایک بڑے میڈیا گروپ نے گزشتہ روز یہ خبر شائع کی کہ وسیم اکرم بھی پاکستان کرکٹ بورڈ کے چیئرمین بننے کے خواہشمند تھے لیکن ان کے نام پر غور نہیں کیا گیا۔
