پاکستانی ٹیم کے عبوری کوچ ثقلین مشتاق نے ذمہ داریاں سنبھال لیں۔ پی سی بی ہیڈکوارٹرز پہنچ کر انہوں نے رپورٹ کر دیا۔
مستعفی کوچز سے متعلق ردعمل دیتے ہوئے ثقلین مشتاق نے کہا کہ یہ کہنا مناسب نہیں کہ مصباح الحق اور وقاریونس بھاگ گئے دونوں کا مستعفی ہونے کا فیصلہ ذاتی ہے،اس سے زیادہ کچھ نہیں کہوں گا۔
عبوری کوچ ثقلین مشتاق نے کہا کہ ان کے لیے ہر اسائنمنٹ چیلنج ہے ابھی پوری توجہ نیوزی لینڈ کیخلاف سیریز پر ہوگی۔
- Advertisement -
’مصباح اور وقار بے نقاب ہوکر بھاگے ہیں‘
شعیب اختر کے بیان سے متعلق انہوں نے کہا کہ مصباح الحق اور وقار یونس کیلئے”بھاگ گئے” کا لفظ ٹھیک نہیں، نیوزی لینڈ سیریز کسی بھی رزلٹ کو قبول کروں گا جارحانہ کرکٹ کا انداز اپنائیں گے
ان کا کہنا تھا کہ ٹیم میں شامل کھلاڑیوں کے ساتھ کام کر چکا ہوں مختصروقت کی کوچنگ ہی کروں گا، نیوزی لینڈ کیخلاف سیریز اہم ہے کیویز کیخلاف ماڈرن کرکٹ کھیلیں گے۔
