لندن: اسکاٹ لینڈ یارڈ پولیس نے ایم کیوایم کے رہنماء ڈاکٹرعمران فاروق قتل کیس میں ایک شخص گرفتارکرلیاہے، پولیس کا خیال ہے کہ اس گرفتاری سے قتل کی تحقیقات میں مدد ملے گی۔
لندن میں ڈاکٹرعمران فاروق قتل کیس کی تحقیقات میں نئی پیش رفت ہوئی ہے۔ اسکاٹ لینڈ یارڈ کے حکام نے بتایا ہے کہ اس کیس سے متعلق ایک شخص کوگرفتار کیا گیا ہے جس سے ویسٹ لندن کے پولیس اسٹیشن میں تفتیش کی جاری ہے۔
برطانوی پولیس حکام کے مطابق گرفتار کئے گئے شخص کی عمرتیس سال ہے تاہم اس کی شناخت ظاہر نہیں کی گئی۔
- Advertisement -
اسکاٹ لینڈ یارڈ کے حکام کا کہنا ہے کہ عمران فاروق قتل کیس میں مطلوب کاشف خان اورمحسن علی سید کے بارے میں تفتیش کرنا چاہتے ہیں۔
