نئی دہلی : نارکوٹکس کنٹرول بیورو (این سی بی) نے بالی ووڈ شخصیات کے گھروں پر چھاپہ مار کارروائی شروع کردی۔
بھارتی میڈیا کی رپورٹ کے مطابق انسداد منشیات فورس( این سی بی) کی جانب سے بالی ووڈ اداکارہ اننیا پانڈے کے گھر پر چھاپہ مارا ہے۔
میڈیا رپورٹس میں کہا گیا ہے کہ انسداد منشیات فورس نے بالی ووڈ اداکارہ اننیا پانڈے کو تفتیش (سوال جواب) 2 بجے این سی بی مین طلب کرلیا ہے۔
واضح رہے کہ اننیا پانڈے بالی ووڈ اداکار چنکی پانڈے کی بیٹی ہیں، 22 سالہ اداکارہ نے 2019 میں فلمی دنیا میں قدم رکھا ہے۔
نارکوٹکس کنٹرول بیورو کی ٹیم شاہ رخ خان کے گھر بھی پہنچ چکی ہے تاہم ابھی اہلکار گھر کے باہر ہی موجود ہیں۔
آریان خان پابندی سے منشیات استعمال کرتے ہیں، واٹس ایپ چیٹ میں انکشاف
خیال رہے کہ کنگ خان کے بڑے بیٹے 23 سالہ آریان خان 2 اکتوبر سے این سی بی کی حراست میں ہیں، جنہیں نارکوٹکس کنٹرول بیورو نے منشیات استعمال کرنے کے کیس میں کروز پارٹی سے گرفتار کیا تھا۔
