کراچی :اسٹیٹ بینک نے چار بینکوں پر 465 ملین روپے جرمانہ عائد کردیا، بینکوں میں نیشنل بینک آف پاکستان ، سلک بینک ، یونائٹیڈ بینک اور انڈسٹریل چائنا بینک شامل ہیں۔
تفصیلات کے مطابق اسٹیٹ بینک نے 4بینکوں پر 465 ملین روپے جرمانہ عائد کردیا ، 4 بینکوں میں نیشنل بینک آف پاکستان پر 280 ملین روپے ، سلک بینک پر 132 ملین ، یونائٹیڈ بینک پر 38.55 ملین، انڈسٹریل چائنا بینک پر 13.542 ملین روپےکا جرمانہ عائد کیا۔
اسٹیٹ بینک کا کہنا تھا کہ ریگولیٹری ہدایات کی خلاف ورزی پر اندرونی انکوائری ہونی چاہیے، مجرم اہلکاروں کےخلاف تادیبی کارروائی کی جائے۔
یاد رہے گذشتہ سال جولائی میں اسٹیٹ بینک نے قوانین کی خلاف ورزی پر تاریخ میں پہلی بار 15 کمرشل بینکوں پر بھاری جرمانے عائد کئے تھے۔
مرکزی بینک کا کہنا تھا کہ جرمانے اینٹی منی لانڈرنگ اور دہشت گردی کی فنانسنگ سے متعلق بھی کیے گئے، 15 بینکوں پر قوانین کی خلاف ورزی پر 1 ارب 68 کروڑ روپے کے بھاری جرمانے کیے، بینکوں پر مارچ سے جون 2020 کے دوران جرمانے کئے گئے ہیں۔
