پاکستانی ڈرامہ انڈسٹری کی معروف اداکار بلال عباس خان کا کہنا ہے کہ گھر میں لگتا ہی نہیں ہے کہ میں اداکار ہوں۔
اداکار بلال عباس خان اور سجل علی نے اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی اور میزبان ندا یاسر کی جانب سے پوچھے گئے مختلف سوالات کے جوابات دئیے۔
ندا یاسر نے بلال عباس سے پوچھا کہ والدہ فیشن ڈیزائنر ہیں گھر میں شوبز سے متعلق کوئی گفتگو ہوتی ہے۔
بلال عباس نے کہا کہ ’گھر میں مجھے تو لگتا ہی نہیں ہے کہ میں اداکار ہوں، گھر میں شوبز اور کام سے متعلق کوئی گفتگو نہیں ہوتی۔
میزبان نے ازراہ مذاق پوچھا کہ یہ ہوتا ہوگا کہ جاؤ ڈبل روٹی انڈے لے آؤ بلال؟ اس پر اداکار نے کہا کہ نہیں یہ اب نہیں ہوتا، حالات تھوڑے بہتر ہوگئے ہیں لیکن میں وہیں کا وہیں ہوں۔
بلال عباس نے کہا کہ والدہ فیشن ڈیزائنر ہیں لیکن پہننے اوڑھنے سے متعلق کوئی گائیڈ لائنز نہیں ملتیں۔
واضح رہے کہ بلال عباس اور سجل علی کی فلم ’کھیل کھیل میں‘ 19 نومبر کو ریلیز کی ہوگی۔
نبیل قریشی کی ہدایت کاری میں بنائی جانے والی فلم میں سجل علی، بلال عباس خان مرکزی کردار نبھائیں گے جب کہ تجربہ کار اداکار جاوید شیخ، ثمینہ احمد، مرینہ خان اور منظر صہبائی، شہریار منور بھی اہم کردار ادا کرتے نظر آئیں گے۔
