کابل : افغان طالبان نے صوبہ جوزجان سے شادی کے نام پر سیکڑوں خواتین کو فروخت کرنے والے شخص کو گرفتار کرلیا۔
غیر ملکی میڈیا کے مطابق افغانستان میں طالبان کے برسراقتدار آنے کے بعد سے غربت و افلاس میں بے تحاشہ ہوا ہے جس کے باعث شہری اپنی املاک حتیٰ کے بچے اور بچیوں کو بھی فروخت کرنے پر مجبور ہوگئے ہیں۔
ایسے حالات میں ایک واقعہ دھوکہ دہی کا سامنے آیا ہے جس میں ایک شخص غریب خواتین کو شادی کا جھانسہ دیکر پر غلاموں کی طرح فروخت کررہا تھا۔
- Advertisement -
افغان طالبان نے صوبہ جوزجان سے خواتین کو فروخت کرنے والے شخص کو گرفتار کرلیا ہے، اب ملزم کے نیٹ ورک کا پتہ لگانے کی کوشش کررہے ہیں۔
دوران حراست ملزم نے 130 خواتین کو شادی کا جھانسہ دیکر دوسرے صوبوں میں لے جاکر فروخت کرنے کا اعتراف کیا ہے۔
