دہلی: بھارت میں جیولری شاپ سے قیمتی انگوٹھی ہوشیاری سے چرا کر بھاگنے والا ملزم گرفتار ہوگیا۔
غیرملکی خبررساں ادارے کی رپورٹ کے مطابق یہ واقعہ بھارتی دارالحکومت دہلی میں پیش آیا جہاں سونے زیورات کے اسٹور میں 27 سالہ نوجوان داخل ہوا اور زیورات کی قیمتیں معلوم کرنے لگا۔
دہلی پولیس نے بتایا کہ ملزم کی چال سے جیولری شاپ انتظامیہ کو پہلے ہی شک ہوگیا اور انہوں نے پولیس کو اطلاع دی جس کے بعد اہلکار شاپ کے باہر چوکنا بیٹھ گئے۔
پولیس نے کہا کہ پروین نامی ملزم نے شاپ کیپر کو ایک ساتھ مختلف جیولری سیٹ دکھانے کو کہا اور اسی دوران شہری نے چپکے سے قیمتی زیورات میں سے ایک انگوٹھی نکال کر جیب میں رکھ لی۔
بعد ازاں ملزم نے شاپ سے بھاگنے کے لیے دوڑ لگائی لیکن پولیس اہلکار نے تھوڑے ہی فاصلے پر دبوچ لیا۔
سڑک فٹ پاتھ پر لگے لوہے کے حصار نے ملزم کو بھاگنے نہ دیا اور پیچھے سے اہلکار نے اسے پکڑ لیا، شاپ کے اندر اور باہر کے تمام مناظر کیمرے کی آنکھ میں قید ہوگئے۔
