اسلام آباد: وزیر خارجہ شاہ محمود قریشی نے او آئی سی وزرائے کونسل اجلاس کے پاکستان میں انعقاد کو تاریخی قرار دیتے ہوئے کہا کہ الحمدللہ ایک پیغام ہم بھیجنے میں کامیاب ہوگئے ہیں۔
تفصیلات کے مطابق اوآئی سی وزرائےخارجہ کونسل کا پارلیمنٹ ہاؤس میں غیر معمولی اجلاس آج ہورہا ہے، وزیرخارجہ شاہ محمود قریشی اجلاس میں شرکت کےلیےپہنچے اور میڈیا سے مختصر گفتگو کی۔
وزیر خارجہ شاہ محمود قریشی نے کہا کہ افغانستان میں اس وقت دواؤں اور خوراک کی ضرورت ہے، افغانستان میں اس وقت بینکنگ نظام کام نہیں کررہا ہے، افغانستان کی معیشت چلانےکےلیےوہاں بینکنگ نظام فعال ہونا ضروری ہے۔
یہ بھی پڑھیں: اسلام آباد: اسلامی تعاون تنظیم کے وزرائے خارجہ کا اجلاس آج ہوگا
شاہ محمود قریشی نے کہا کہ اوآئی سی وزرائےخارجہ کونسل کے اجلاس سے قبل الحمد للہ ایک پیغام ہم بھیجنے میں کامیاب ہوگئے ہیں۔
تاریخی اجلاس کچھ دیر بعد شروع ہوگا،وزیر خارجہ شاہ محمود قریشی اجلاس کے لیے آنے والےشرکا کا استقبال کیا، سعودی عرب، یواےای اورملائیشیاکےوزرائےخارجہ پارلیمنٹ ہاؤس پہنچ گئے ہیں۔
