وزیراعظم کے معاون خصوصی ڈاکٹر شہبازگل نے منظور وسان کی پیش گوئی پر ردعمل دیتے ہوئے کہا ہے کہ مطلب بلاول نے زندگی بھر شادی نہ کرنےکا فیصلہ کر لیا۔
سیاسی پیشگوئیوں کے حوالے سے شہرت رکھنے والے پیپلزپارٹی رہنما منظور وسان نے کہا کہ بلاول پہلے وزیراعظم بنیں گے پھر دلہا بنیں گے، بلاول کی شادی وزیراعظم بننے کے بعد 2022 یا 2023 میں ہوگی۔
’بلاول پہلے وزیراعظم پھر ’دلہا‘ بنیں گے‘
فضل الرحمان سے متعلق انہوں نے کہا کہ مولانا کو جو ملنا تھا وہ مل گیا اب ہماری اور ن لیگ کی باری ہے۔
عمران خان سے متعلق پیش گوئی کرتے ہوئے منظور وسان نے کہا کہ ان کا مستقبل تاریک ہے۔
منظور وسان کی پیش گوئی پر ردعمل دیتے ہوئے شہبازگل نے کہا کہ مطلب بلاول نے زندگی بھر شادی نہ کرنےکا فیصلہ کر لیا شادی بلاول بھٹوکاذاتی معاملہ ہے لیکن منظور وسان نے باقاعدہ اعلان کر دیا ہےتو اب اس پربات تو ہو گی۔
اس کا مطلب ہے کہ بلاول نے زندگی بھر شادی نہ کرنے کا فیصلہ کر لیا ہے۔ ویسے یہ ان کا زاتی معاملہ ہے۔ لیکن کیوں کہ ان کے ترجمان وسان صاحب نے آج اس کا باقاعدہ اعلان کر دیا ہے تو اب اس پر بات تو ہوگی۔ https://t.co/8oYJm2wGu1
— Dr. Shahbaz GiLL (@SHABAZGIL) December 29, 2021