کراچی: سندھ ہائی کورٹ نے دھماکا خیز مواد اور غیر قانونی اسلحہ رکھنے کے کیس میں 3 ملزمان کی سزا کالعدم قرار دے دی۔
تفصیلات کے مطابق سندھ ہائی کورٹ میں دھماکا خیز مواد اور غیر قانونی اسلحہ رکھنے کے کیس میں سزا کے خلاف ملزمان کی اپیلوں پر سماعت ہوئی۔ عدالت نے دہشت گردی ایکٹ کے تحت 3 ملزمان کی سزا کالعدم قرار دے دی۔
ملزمان کو انسداد دہشت گردی کی عدالت نے گزشتہ برس 2021 میں دہشت گردی ایکٹ کے تحت 10، 10 سال قید اور دھماکہ خیز مواد و غیر قانونی اسلحہ کیس میں 6، 6 سال قید کی سزا سنائی تھی۔
- Advertisement -
ملزمان میں نثار، رونی الیاس اور محمد اصف عرف چیٹا شامل ہیں۔
پولیس کا کہنا ہے کہ ملزمان کو دسمبر 2015 میں نشتر روڈ گارڈن سے گرفتار کیا گیا تھا اور ان سے غیر قانونی اسلحہ اور ہینڈ گرنیڈ برآمد کیا گیا تھا۔
