وزیراعلیٰ خیبرپختونخوا محمود خان نے صوبےمیں سی این جی اسٹیشنز ہفتے میں مزید 2دن کھولنے کا اعلان کر دیا۔
تفصیلات کے مطابق وزیر اعلیٰ کےپی محمود خان سےسی این جی ایسوسی ایشن کےوفد نے ملاقات کی جس میں اسٹیشنز کھلے رکھنے کے اوقات کار اور دنوں میں اضافے پر اتفاق کیا گیا۔
وزیراعلیٰ نے 15 دن بعد سی این جی اسٹیشنز کو 24گھنٹے اور ہفتے میں مزید 2 روز کھولنے کا اعلان کر دیا۔ فی الوقت سی این جی اسٹیشنز ہفتے میں صرف 3دن کھلے ہوتے تھے۔
- Advertisement -
وزیراعلیٰ نے کہا کہ سی این جی اسٹیشنزکی بندش سے صارفین کی مشکلات کا احساس ہے سی این جی صنعت سے لاکھوں لوگوں کا روزگار وابستہ ہے حکومت ہرشعبےمیں عوام کو ریلیف دینے کیلئےاقدامات کررہی ہے۔
سی این جی ایسوسی ایشن کی طرف سے ریلیف پر وزیر اعلیٰ محمود خان کے اقدامات پر اظہارِ تشکر کیا گیا۔
