آزاد کشمیر قانون ساز اسمبلی کا آج ہونیوالا اجلاس جس میں نئے وزیراعظم کے انتخاب کیلیے تحریک کثرت رائے سے منظور کی گئی ہے مظفر آباد ہائیکورٹ میں چیلنج کردیا گیا ہے۔
اے آر وائی نیوز کے مطابق آزاد کشمیر اسمبلی میں پی پی رہنما اور اپوزیشن لیڈر چوہدری لطیف اکبر اور چوہدری یاسین کی جانب سے اس حوالے سے ہائیکورٹ میں رٹ پٹیشن داخل کی گئی ہے۔
ہائیکورٹ میں دائر رٹ پٹیشن کی جسٹس شاہد بہاراور جسٹس سرداراعجاز پر مشتمل بینچ نے ابتدائی سماعت کی ہے۔
عدالتی ذرائع کے مطابق آزاد کشمیر ہائیکورٹ نے اس رٹ پر 2 بجے فیصلہ دینے کا عندیہ دیا ہے۔
واضح رہے کہ اس سے قبل آزاد کشمیر کے جاری اجلاس میں نئے وزیراعظم کے انتخاب کیلیے تحریک کثرت رائے سے منظور کرلی گئی۔
مزید پڑھیں: آزاد کشمیر: نئے وزیراعظم کے انتخاب کی تحریک کثرت رائے سے منظور
تحریک کی منظوری کے وقت اپوزیشن نے اسمبلی میں شدید احتجاج بھی کیا۔
