پاکستان شوبز انڈسٹری کی سابقہ اداکارہ نور بخاری نے دعا زہرہ کے لیے جاری کردہ پیغام میں کہا ہے کہ بھاگ کر شادی کرنے میں کوئی عزت نہیں۔
سابقہ اداکارہ نور بخاری نے اپنی انسٹاگرام اسٹوری میں لکھا کہ الحمدللہ، دعا زہرہ بالکل ٹھیک ہے لیکن کاش آپ سمجھ سکتیں کہ آپ کی وجہ سے آپ کے والدین اور پورا پاکستان کتنی اذیت سے گزرا۔
سابقہ اداکارہ نے کہا کہ ہم سب بھی بیٹیوں والے ہیں اور ہم نے آپ کے لیے بہت دُعائیں کی۔
اُنہوں نے مزید کہا کہ بچوں کو سمجھنا چاہیے، بھاگ کر شادی کرنے میں کوئی عزت نہیں، نور بخاری نے یہ بھی کہا کہ مجھے والدین کے لیے بہت افسوس ہے۔
مزید پڑھیں: عدالت نے دعا زہرہ کو شوہر کے ساتھ جانے کی اجازت دے دی
واضح رہے کہ عدالت نے دعا زہرہ کو شوہر کے ساتھ جانے کی اجازت دے دی۔
انویسٹی گیشن آفیسر نے دعا کی سیکیورٹی کے لیے دارالامان جانے کی استدعا کی تھی، تاہم دعا زہرہ نے عدالت میں بیان دیا کہ میری عمر 18 سال ہے اور بالغ ہوں، میں اپنی مرضی سے کراچی سے لاہور آئی ہوں اور مجھے کسی نے اغوا نہیں کیا۔
دعا زہرہ نے کہا کہ مجھے دارالامان نہ بھیجا جائے، مجھے کسی سے کوئی خطرہ نہیں میں محفوظ ہوں۔
عدالت نے فیصلہ سناتے ہوئے کہا کہ دعا زہرہ کواس کی مرضی کے خلاف دارالامان نہ بھیجا جائے، انویسٹی گیشن آفیسر کی استدعا مسترد کی جاتی ہے۔
