پاکستانی نژاد برطانوی باکسر کا ستائیس سالہ پروفیشل کیریئر اختتام کو پہنچا، عامرخان نے رنگ سے ریٹائرمنٹ کا اعلان کردیا۔
سماجی رابطے کی ویب سائٹ ٹوئٹر پر جاری بیان میں عامر خان نے کہا کہ ستائیس سالہ طویل باکسنگ کا کیریئر رہا، اب گلوز اتارنے کا وقت آگیا ہے۔
عظیم باکسر نے کہا کہ میں خود کو خوش قسمت سمجھتا ہوں کہ مجھے ایسا حیرت انگیز کیریئر ملا جو کہ ستائیس سال پر محیط رہا، اس لمحے پر میں ان تمام کھلاڑیوں اور ٹیم ارکان کا دل کی گہرائیوں سے شکریہ ادا کرنا چاہتا ہوں جن کے ساتھ مجھے مقابلہ کرنے کا موقع ملا۔
شاندار کیریئر کے اختتام پر اپنے خاندان دوستوں اور مداحوں کا بے حد مشکور ہو جن کی حمایت اور محبت سے وہ کام کردکھایا جس پر مجھے فخر ہے۔
It’s time to hang up my gloves.
I feel blessed to have had such an amazing career that has spanned over 27 years.
I want to say a heartfelt thanks and to the incredible teams I have worked with and to my family, friends and fans for the love and support they have shown me. pic.twitter.com/VTk0oxVjp2— Amir Khan (@amirkingkhan) May 13, 2022
یاد رہے کہ رواں سال فروری میں پاکستانی نژاد برطانوی باکسر عامرخان برطانوی حریف کیل بروک کے ہاتھوں کیرئیر کی اہم فائٹ ہار گئے تھے۔
مانچسٹر ایرینا میں کھیلی گئی فائٹ میں عامر خان کے خلا برطانوی حریف رنگ میں چھائے رہے، کیل بروک نے فائٹ کے دوران عامر خان پر تابڑ توڑے حملے کیے،ریفری نے چھٹے راؤنڈ میں باؤٹ کو روک دیا، 12راؤنڈ ز پر مشتمل فائٹ چھٹے راؤنڈ میں ختم ہوئی اور یوں عامر خان کو ٹیکنیکل ناک آؤٹ پر شکست کا سامنا کرنا پڑا تھا۔