پاکستان کے کپتان بابر اعظم ون ڈے کرکٹ میں ریڈ ہاٹ فارم میں ہیں اور انہوں نے پچھلی پانچ اننگز میں چار سنچریاں اسکور کی ہیں۔
رنز کی مشین بابراعظم نے کل ویسٹ انڈیز کے خلاف اپنی 17ویں ون ڈے سنچری بنائی جو ان کی مسلسل تیسری سنچری بھی تھی۔
نمبر 1 رینکنگ بلے باز دو بار لگاتار تین سنچریاں بنانے والے پہلے بلے باز بھی بن گئے ہیں۔
پاکستان اور ویسٹ انڈیز کے درمیان دوسرا ون ڈے کل کھیلا جائے گا جس میں بابر کے پاس سری لنکا کے سابق وکٹ کیپر بلے باز کمارا سنگاکارا کا لگاتار سنچریاں بنانے کا ریکارڈ برابر کرنے کا موقع ہے۔
سری لنکن لیجنڈ نے 2015 کرکٹ ورلڈ کپ میں لگاتار چار سنچریاں اسکور کی تھیں۔
https://twitter.com/TheRealPCB/status/1534615762605858820?s=20&t=pI4hB3DGLcxN81oIBoHK_A
ون ڈے میں مسلسل سب سے زیادہ سنچریاں بنانے والے کرکٹرز
کمار سنگاکارا – 4
ظہیر عباس – 3
سعید انور – 3
ہرشل گبز – 3
اے بی ڈی ویلیئرز – 3
کوئنٹن ڈی کاک – 3
راس ٹیلر – 3
بابر اعظم – 3 (دو بار)
جونی بیرسٹو – 3
ویرات کوہلی – 3
