ریاض: سعودی حکومت نے احتیاطی تدابیر کے تحت حج مقامات پر اونٹوں کے داخلے پر پابندی عائد کر دی۔
عرب میڈیا کے مطابق یہ پابندی سعودی وزارت ماحولیات و پانی وزراعت کی جانب سے عائد کی گئی ہے جس پر عمل درآمد شروع ہو گیا ہے۔
حج سیزن کے دوران منی، مزدلفہ اور عرفات میں اونٹوں کے داخلے پر پابندی ہو گی۔ یہ پابندی جانوروں سے انسانوں میں وائرس منتقلی روکنے کیلئے لگائی گئی ہے۔
- Advertisement -
وزارت ماحولیات و پانی وزراعت مکہ مکرمہ ریجن کے ڈائریکٹر انجینئر سعید الغامدی کا کہنا ہے کہ اونٹوں میں تنفس کی بیماری کے پیش نظر احتیاطی تدابیر کے طور پر یہ اقدام اٹھا گیا ہے۔
ان کا کہنا ہے کہ جانوروں کے طبی معائنے کے لیے ڈاکٹرز تعینات کر دیے گئے ہیں جو جدہ اسلامی بندرگاہ کے راستے آنے والے جانوروں کے معائنے پر مامور ہوں گے۔
