پٹنہ: بھارت میں دوران پرواز ایک مسافر طیارے میں اچانک آگ بھڑک اٹھی، جس پر پائلٹ کو ہنگامی لینڈنگ کرنی پڑی۔
تفصیلات کے مطابق اتوار کو پٹنہ ایئر پورٹ کے حکام نے بتایا کہ اسپائس جیٹ ایئر لائنز کے ایک طیارے میں پرواز کے دوران آگ بھڑک اٹھی، جس کی وجہ سے طیارے نے ریاست بہار کے شہر پٹنہ پر ہنگامی لینڈنگ کی۔
حکام کے مطابق دہلی جانے والی اسپائس جیٹ کی پرواز نے پٹنہ ہوائی اڈے سے اڑان بھری لیکن کچھ ہی دیر بعد اس کے انجن میں آگ لگ گئی، جس پر اسے واپس ہوائی اڈے پر اترنا پڑا۔
ذرائع ابلاغ کے مطابق طیارے میں آگ تکنیکی خرابی کے باعث لگی، تاہم طیارے نے محفوظ لینڈنگ کی اور تمام مسافر محفوظ رہے، حادثے کے شکار طیارے میں 185 افراد سوار تھے۔
Baal Baal Bache : Fire in engine of Patna-Delhi #Spicejet SG723. Bird strike in engine overhead #Phulwari. #Patna pic.twitter.com/qoUs3WJ7P6
— Mumbai (@InfoMumbai) June 19, 2022
بھارتی سول ایوی ایشن کا کہنا ہے کہ حادثہ طیارے سے پرندے کے ٹکرانے کی وجہ سے پیش آیا، پرندہ ٹکرانے کے بعد انجن بند ہو گیا تھا۔
#WATCH Patna-Delhi SpiceJet flight safely lands at Patna airport after catching fire mid-air, all 185 passengers safe#Bihar pic.twitter.com/vpnoXXxv3m
— ANI (@ANI) June 19, 2022
ایئر لائن اسپائس جیٹ کے ترجمان نے بیان میں کہا کہ فضا میں اڑان بھرنےکے بعد کاک پٹ کے عملے کو انجن نمبر ایک سے پرندے کے ٹکرانے کا شبہ پیدا ہوا تھا، جس پر فلائٹ کپتان نے احتیاطی اقدام کے تحت انجن بند کر کے طیارہ واپس اتار دیا، پرواز کے بعد کے معائنے سے پتا چلا کہ پرندے کے ٹکرانے سے پنکھے کے 3 بلیڈوں کو نقصان پہنچا۔