اسلام آباد : پی ٹی آئی کی کامیاب پالیسیوں کی بدولت ایف بی آر نے 6000 ارب روپے ٹیکس کاہدف عبور کرلیا ، پی ٹی آئی رہنماؤں نے ایف بی آر کو مبارکباد دی۔
تفصیلات کے مطابق فیڈرل بورڈ آف ریونیو نے ملکی تاریخ میں پہلی بار 6 ہزار ارب سے زائد محصولات جمع کرلیں ، اس حوالے سے ترجمان ایف بی آر نے بتایا کہ موجودہ مالی سال کا ابتدائی ہدف 5829 ارب روپے گزشتہ ہفتے حاصل کیا تھا، 30جون تک 6100 ارب روپے کے ٹیکس محصولات ہدف کیلئے پرعزم ہیں۔
ترجمان کا کہنا تھا کہ تاریخ ساز کامیابی پر چیئرمین ایف بی آر کی پوری ٹیم اور قوم کو مبارکباد دیتے ہیں۔
اس حوالے سے سابق وزیرخزانہ شوکت ترین نے سماجی رابطے کی ویب سائٹ ٹوئٹر پر اپنے بیان میں کہا کہ سابقہ پی ٹی آئی حکومت کی محنت رنگ لائی اور ایف بی آرنے6000ارب روپے ٹیکس کاہدف عبور کرلیا ، شاباش ایف بی آر اور پی ٹی آئی۔
شوکت ترین کا کہنا تھا کہ یہ پی ٹی آئی کی مضبوط معاشی ترقی اور ٹیکس پالیسیوں کی وجہ سے ممکن ہوا، اب پہلےسےعائد ٹیکسز اور معیشت کے پیداواری شعبوں پردوبارہ ٹیکس نہ لگائیں اور اوورٹیکس کرنےکی پالیسیوں کی طرف واپس نہ جائیں۔
Well done FBR. This was possible due to the strong economic growth and progressive tax policies of PMIK lead PTI. Bravo FBR, Bravo PTI. Now let’s not go back to regressive tax policies of taxing the already taxed and overtaxing the productive sectors of the economy https://t.co/x25tZLSZI2
— Shaukat Tarin (@shaukat_tarin) June 28, 2022
سابق وزارت خزانہ کے ترجمان اور ماہر معاشیات نے ٹوئٹ میں ایف بی آر کو 6100 ہزار ارب روپے کاہدف عبور کرنے پر مبارکباد دیتے ہوئے کہا 20سال میں یہ پہلاموقع ہے، ٹیکس شرح میں اضافہ کئےبغیر ایف بی آر نے ہدف کو عبور کیا ایف بی آر نے جی ڈی پی میں2 فیصد ٹیکس بھی شامل کیاہے، امپورٹڈ حکومت پی ٹی آئی سے سیکھے۔
Congratulations FBR, PTI & @shaukat_tarin for achieving Rs6,000 bn tax and all set to cross Rs6,100 target. This is 1s time in 20 years FBR have surpassed not only its target but also added 2% tax to GDP. That without increase in tax rate. Imported govt should learn from PTI.
— Muzzammil Aslam (@MuzzammilAslam3) June 28, 2022
