بھارت کے وزیر اعظم نریندر مودی اور روس کے صدر ولادیمیر پیوٹن کے درمیان اہم ٹیلی فونک رابطہ ہوا ہے۔
غیر ملکی میڈیا رپورٹس کے مطابق دونوں رہنماؤں نے 2021 میں صدر ولادیمیر پیوٹن کے دورہ بھارت کے دوران لیے گئے فیصلوں کے نفاذ کا جائزہ لیا۔
نریندر مودی اور پیوٹن نے زرعی اجناس، کھادوں اور فارما مصنوعات میں دو طرفہ تجارت کو مزید فروغ دینے پر تبادلہ خیال کیا۔
ٹیلی فونک گفتگو میں بین الاقوامی توانائی اور خوراک کی منڈیوں سمیت عالمی مسائل پر بھی بات چیت ہوئی۔
بھارتی وزیر اعظم نے یوکرین کی موجودہ صورتِ حال کے تناظر میں بات چیت اور سفارت کاری کے حق میں بھارت کے دیرینہ مؤقف کو دہرایا۔
رابطے میں عالمی اور دوطرفہ امور پر باقاعدہ مشاورت جاری رکھنے پر اتفاق کیا۔
Prime Minister Narendra Modi speaks to Russian President Vladimir Putin on telephone
Both the leaders reviewed the implementation of the decisions taken during Putin's visit to India along with discussing bilateral trade & various other global issues
(File Pics) pic.twitter.com/4zUHYJUBQ6
— ANI (@ANI) July 1, 2022
اس سے قبل ایک تقریب سے خطاب کرتے ہوئے روسی صدر نے کہا کہ دنیا میں کچھ ممالک ایسے ہیں جو ڈر کی وجہ سے سر اٹھا کر نہیں چل سکتے، ہمارے دنیا میں بہت سے اتحادی ہیں جو روس کی طرح سوچتے ہیں لیکن ان میں کچھ ممالک ایسے ہیں جو بلند آواز میں اپنی بات کہنے میں محتاط رہتے ہیں۔
پیوٹن نے کہا کہ ماضی کا بوجھ اور سچائی کا سامنا کرنے کی خواہش لامحالہ مغرب کی جانب سے مزید غلط تصورات ہی جارحانہ اقدامات کے خطرے کو بڑھاتے ہیں۔
