قومی ٹیم کے سابق فاسٹ بولر شعیب اختر نے مسجد نبوی ﷺ کی ویڈیو شیئر کردی۔
سابق فاسٹ بولر شعیب اختر سعودی عرب کی جانب سے دی گئی اعزازی دعوت پر بطور ’اسٹیٹ گیسٹ‘ حج کی ادائیگی کے لیے سعودی عرب میں موجود ہیں۔
شعیب اختر نے مسجد نبوی ﷺ کے مناظر کی خوبصورت ویڈیو ٹویٹر پر شیئر کی۔
انہوں نے ویڈیو شیئر کرتے ہوئے لکھا کہ ’ابھی ابھی مدینہ شریف پہنچا اور مسجد نبوی ﷺ کو براہ راست دیکھنے کے لیے کمرہ حاصل کرنا بہت خوش قسمتی ہے۔
Just reached Madinah Sharif, so so lucky to get here and having a room directly viewing Masjid e Nabwi. #Madinah #SaudiArab #hajj pic.twitter.com/UUn63s0XJM
— Shoaib Akhtar (@shoaib100mph) July 5, 2022
سابق فاسٹ بولر نے اس سے قبل ایک ویڈیو شیئر کی تھی جس میں وہ بتارہے تھے کہ اب مکہ سے مدینہ شریف کی جانب سفر کا آغاز کیا جارہا ہے۔
سابق کرکٹر کا کہنا تھا کہ ‘اب راولپنڈی ایکسپریس حرمین بلیٹ ٹرین پر جارہے ہیں جو 8 گھنٹے کا سفر صرف 2 گھنٹے میں طے کرے گی ‘۔
Starting my beautiful journey from Makkah Muazzama to Madinah Munawwara on Harmain Express Bullet Train. One of the fastest in the world. 8 hour road journey between the two cities can now be covered only in a little over 2 hours. Really looking forward. #Makkah #Madinah pic.twitter.com/bli0GSPV80
— Shoaib Akhtar (@shoaib100mph) July 5, 2022
شعیب اختر نے کہا تھا کہ ‘ میں نے اس سے قبل اتنا بہترین ٹرین اسٹیشن دنیا میں کہیں بھی نہیں دیکھا’۔
یہ پڑھیں: ’حاضر ہیں تیرے دربار میں ہم‘ شعیب اختر نے روح پرور مناظر شیئر کردیے
ان کا کہنا تھا کہ ‘سعودی انتظامیہ نے عازمین حج کی آمد و رفت اور دیگر معاملات کے لیے شاندار اقدامات کیے ہیں ، میں اب مدینے کی زیارت کے لیے جارہا ہوں اور واپس آنے کے بعد حج کی تیاری کروں گا’۔
انہوں نے یہ بھی بتایا کہ وہ عمرہ ادا کرچکے ہیں۔
یاد رہے کہ 2 جولائی کو شعیب اختر نے احرام پہنے اپنی تصاویر ٹوئٹر پر جاری کی تھیں اور بتایا تھا کہ ’الحمد اللہ میں سعودی عرب کے سرکاری مہمان کی حیثیت سے فریضہ حج کی ادائیگی کیلئے روانہ ہو رہا ہوں۔
