الیکشن کمیشن نے سیاسی جماعتوں اور رہنماؤں کی جانب سے عائد کردہ الزامات کو مسترد کر دیا۔
الیکشن کمشنرپنجاب کی جانب سے جاری بیان کے مطابق الیکشن کمیشن تمام شکایات پر بروقت کارروائی کر رہا ہے پی ٹی آئی کی جمع کرائی گئی ہرشکایت کاتحریری جواب دے دیا گیا ہے۔
بیان میں کہا گیا ہے کہ پی ٹی آئی رہنما یاسمین راشد کی شکایت کا تحریری جواب وصول کرا دیا ہے جب کہ پی ٹی آئی امیدوار شبیرگجر کی درخواست پربھی تحریری جواب دیدیا ہے۔
الیکشن کمیشن کا کہنا ہے کہ مہر شرافت گرفتاری کیس پرسی سی پی او سے رپورٹ طلب کی ہے الیکشن کمیشن فرائض غیرجانبداری سے سرانجام دے رہا ہے۔
دوسری جانب الیکشن کمیشن آف پاکستان نے وزیراعلیٰ پنجاب حمزہ شہباز کا’ روشن گھرانا پروگرام’ معطل کر دیا۔
چیف الیکشن کمشنر نے کہا کہ اگر بجٹ میں رکھا تھا تو الگ سے اعلان اور پریس کانفرنس کی کیا ضرورت تھی؟، وکیل حمزہ شہباز نے کہا کہ مخصوص حلقے کیلئےاعلان ،متعلقہ ووٹر کو راغب کریں تو خلاف ورزی ہوگی۔
