کراچی : محکمہ موسمیات بجلی منقطع ہونے کے باعث بارش کی مزید پیشگوئی سے معذرت کرلی۔
تفصیلات کے مطابق محکمہ موسمیات بارش سے متعلق پیشگوئی سے معذرت کرلی ، چیف میٹرولوجسٹ سردار سرفراز نے کہا کہ بجلی منقطع ہوگئی ،مزید پیشگوئی جاری نہیں کرسکتے۔
دوسری جانب ترجمان کے الیکٹرک کا کہنا ہے کہ گلستان جوہربلاک 5 میں محکمہ موسمیات کی بجلی بحال کردی گئی ہے ، علاقائی فالٹ کی وجہ سے بجلی منقطع تھی جسے علاقائی ٹیم نےدرست کردیا ہے۔
خیال رہے محکمہ موسمیات نے کراچی میں آج شام یا رات سے گرج چمک کے ساتھ تیزبارش کی پیش گوئی کرتے ہوئے تمام اداروں کو پیشی اقدامات کیلئے الرٹ جاری کردیا تھا۔
مون سون کا ایک اور بڑا طاقتور سسٹم آج بھارت سے سندھ میں داخل ہوگا، جس کے باعث کراچی ، ٹھٹھہ ، بدین اور میرپورخاص سمیت مختلف علاقوں میں بارش متوقع ہے۔
چیف میٹرولوجسٹ نے کہا ہے کہ جولائی میں اتنی زیادہ بارش کا ہونا غیر معمولی ہے۔