دمشق: شام کے دارالحکومت دمشق کے قریب اسرائیلی حملے کے نتیجے میں شام کے تین فوجی ہلاک جبکہ سات زخمی ہو گئے۔
غیر ملکی میڈیا رپورٹ کے مطابق اسرائیل نے گولان کی پہاڑیوں سے آدھی رات کو میزائل داغے، رپورٹ کے مطابق شام کو اسرائیلی حملے کے نتیجے میں بھاری مالی نقصان کا سامنا ہے۔
شامی وزارتِ دفاع کے مطابق فضائی حملے میں تین شامی فوجی ہلاک اور سات زخمی ہوئے۔
خبر رساں ایجنسی کے مطابق اسرائیل نے فضائی حملے کی تصدیق کردی ہے,اسرائیلی فوج کا کہنا ہے کہ یہ حملے ایران کو اپنی دہلیز پر آنے سے روکنے کے لیے بہت ضروری ہیں۔
یہ بھی پڑھیں: دمشق کے بین الاقوامی ہوائی اڈے کو بند کردیا گیا
پچھلے ماہ اسرائیلی فضا ئیہ نے اس طرح کے ایک حملے میں دمشق کے ایئرپورٹ کو بشانہ بنایا تھے، جس کے نتیجے میں کئی ہفتے تک دمشق ائیر پورٹ کا رن وے قابل استعمال نہیں رہا تھا۔
واضح رہے دو ہزار گیارہ سے شروع ہونے والی خانہ جنگی کے بعد سے اب تک اسرائیلی فضائیہ اپنے ہمسائے شام پر سینکڑوں حملے کر چکی ہے۔ اس کہنا ہے کہ اس کے اہداف میں شامی فوجی ٹھکانے اور حزب اللہ کے جنگجووں کو نشانہ بناتی ہے۔
