بیجنگ: چین نے کہا ہے کہ وہ خطے کے دیگر ممالک کی افواج کے ساتھ تعاون کی حکمت عملی پر عمل پیرا ہے۔
تفصیلات کے مطابق چین نے روسی فوجی مشقوں میں حصہ لینے کا باضابطہ اعلان کر دیا ہے، یہ مشقیں 20 اگست سے 5 ستمبر تک جاری رہیں گی۔
چینی وزارتِ دفاع کا کہنا ہے کہ مشقوں میں شمولیت روس کے ساتھ دو طرفہ تعاون کے معاہدے کا حصہ ہے، ان فوجی مشقوں کا مقصد دیگر ممالک کی فوج کے ساتھ تعاون کو گہرا کرنا ہے۔
فوجی مشقوں میں بھارت، بیلا روس، منگولیا، تاجکستان اور دیگر ممالک کی فوج بھی حصہ لے گی، رواں سال چین اور روسی فوج کے درمیان یہ دوسری فوجی مشقیں ہیں۔
چین میں گرمی، فیکٹریاں 6 دن کے لیے بند
واضح رہے کہ بیجنگ اور ماسکو کے درمیان قریبی دفاعی روابط ہیں اور چین نے کہا ہے کہ وہ دو طرفہ تعلقات کو ’’اعلیٰ سطح پر‘‘لے جانا چاہتا ہے۔
’’ووسٹوک‘‘ (مشرقی) فوجی مشقوں کا اعلان ماسکو نے گزشتہ ماہ کیا تھا۔ خیال رہے کہ امریکا کی جانب سے تائیوان کے ساتھ بڑھتے روابط کو چین اشتعال انگیز قرار دے چکا ہے اور اس سے چین اور امریکا کے درمیان پائی جانے والی کشیدگی مزید بڑھ گئی ہے، جس کے بعد چین نے تائیوان کے قریب بھی سمندر میں فوجی مشقیں منعقد کیں۔
