لاہور ہائی کورٹ نے پیٹرولیم مصنوعات کی قیمتوں میں اضافے کے خلاف درخواست پر فریقین سے جواب طلب کرلیا ہے۔
لاہور ہائی کورٹ کے جسٹس شکیل احمد نے وکیل اظہر صدیق کی درخواست پر سماعت کی۔ درخواست گزار نے عدالت میں مؤقف اختیار کیا کہ بین الاقوامی مارکیٹ میں پیٹرولیم مصنوعات کی قیمتوں میں کمی ہوئی ہے۔
درخواست گزار نے کہا کہ پیٹرولیم مصنوعات کی قیمتوں میں اضافے سے قبل کابینہ سے منظوری نہیں لی گئی، قیمتوں میں اضافے کے لیے ٹھوس وجوہات بھی بیان نہیں کی گئیں، قیمتوں میں اضافے سے مہنگائی میں اضافہ ہوگا۔
مزید پڑھیں: پیٹرولیم مصنوعات کی قیمتوں میں اضافہ لاہور ہائی کورٹ میں چیلنج
اظہر صدیق نے عدالت سے استدعا کی کہ پیٹرولیم مصنوعات کی قیمتوں میں اضافے کو کالعدم قرار دیا جائے۔ عدالت نے کارروائی کرتے ہوئے آئندہ سماعت پر فریقین سے جواب طلب کرلیا ہے۔
Comments
- Advertisement -
