پاکستانی ڈرامہ انڈسٹری کی معروف اداکارہ زرنش خان کی بھارتی گانے پر رقص کرنے کی دلچسپ ویڈیو وائرل ہوگئی۔
سوشل میڈیا کے مختلف پلیٹ فارمز پر اداکارہ زرنش خان کی ویڈیو وائرل ہورہی ہے جس میں گلوکارہ نیہا ککڑ کے گانے "ٹکر ٹکر” پر گاڑی میں سفر کرتے رقص کررہی ہیں اور گانے سے لطف اندوز ہورہی ہیں۔
یہ گانا بھارتی فلم "دل والے” کے سیکوئل میں فلمایا گیا تھا جس میں کاجول اور شاہ رخ کے ساتھ ورون دھون نے اداکاری کے جوہر دکھائے تھے۔
View this post on Instagram
زرنش کا ساتھ اس ویڈیو میں ان کے ساتھ گاڑی ڈرائیو کرنے والے دوست بھی دے رہے ہیں۔
اداکارہ نے چند گھنٹوں قبل یہ ویڈیو شیئر کی جسے اب تک ہزاروں صارفین دیکھ چکے ہیں اور اداکارہ کے انداز کی تعریف کررہے ہیں۔
زرنش سوشل میڈیا پر کافی متحرک رہتی ہیں اور اکثر اپنی تصاویر اور ویڈیو شیئر کرتی رہتی ہیں جسے ان کے مداحوں کی جانب سے بھی پسند کیا جاتا ہے۔
اس سے قبل بھی زرنش خان کی ویڈیو وائرل ہوئی تھی جس میں وہ وادی ہنزہ کی خوبصورت سڑک پر سفر کرتے ہوئے کرینہ کی فلم ’جب وی میٹ‘ کے گانے ’یہ عشق ہائے‘ سے لطف اندوز ہورہی تھیں۔
View this post on Instagram
ویڈیو میں اداکارہ ناصرف گانا سن رہی تھیں بلکہ وہ اس گانے پر کرینہ کپور کے انداز کو کاپی کرتے ہوئے بھی دکھائی دے رہی تھیں۔
