پاکستان کی مشہور گلوکارہ حدیقہ کیانی نے صوبہ بلوچستان میں حالیہ سیلاب سے متاثر ہونے والے دیہاتوں کی تعمیرِ نو کی ذمہ داری اُٹھانے کا اعلان کر دیا۔
حدیقہ کیانی نے اپنے آفیشل ٹوئٹر اکاؤنٹ سے ایک ویڈیو پوسٹ کی جس میں وہ بلوچستان کے سیلاب زدگان کے ساتھ ملاقات میں گفتگو کر رہی ہیں۔
گلوکارہ نے کیپشن میں لکھا: ’بلوچستان کے حالیہ دورے پر مجھے ان بہادر لوگوں سے ملاقات کا موقع ملا جنہوں نے سیلاب میں اپنا سب کچھ کھو دیا۔ میں نے ربی، چھتر اور تمبو کے دیہاتوں کی تعمیرِ نو کی ذمہ داری اُٹھائی ہے۔ ان شاء اللہ، ہم انہیں دوبارہ مضبوطی سے تعمیر کریں گے‘۔
My most recent trip to Balochistan allowed me to meet the brave people who have lost almost everything. I have now taken it as my responsibility to rebuild the villages of Rabbi, Chattar & now Tamboo. Inshallah we will rebuild stronger than before with the guidance of Allah SWT. pic.twitter.com/uYmbwGg8fL
— Hadiqa Kiani (@Hadiqa_Kiani) September 12, 2022
ویڈیو میں حدیقہ کیانی کو سیلاب زدگان کو تسلی اور ان کی حوصلہ افزائی کرتے ہوئے دیکھا جا سکتا ہے۔
انہوں نے کہا: ’اگر اللہ چاہے گا تو طوفان اور آندھی آئے گی اور آپ لوگوں کو کچھ نہیں ہوگا۔ آپ لوگوں نے کسی انسان کے سامنے نہیں جھکنا، سب کچھ اللہ کرے گا‘۔
ملاقات میں سیلاب زدگان نے ان کے پاؤں پکڑنے کی کوشش کی جس پر انہوں نے منع کیا۔ گلوکارہ نے متاثرین کے ہاتھوں پر بوسہ دیا اور ان میں موجود بچی کو پیار کیا۔
